ភ្នំពេញ៖ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន បានបញ្ជាក់ថា ការងាររបស់អ្នកសារព័ត៌មានសំខាន់ គឺមានក្រមសីលធម៌ និងមានវិជ្ជាជីវ:ត្រឹមត្រូវ ដោយមានការទទួលខុសត្រូវចំពោះអ្វីដែលបានផ្សាយ ។ ឯកឧត្តមរដ្ឋមន្រ្តី បានលើកឡើងបែប នេះ ក្នុងឱកាសអនុញ្ញាតឱ្យ លោក វណ្ណ សុភានោ ចាង ហ្វាងអង្គភាពសារព័ត៌មានកម្ពុជា ប្រគល់អំណោយជាម៉ាស់ចំនួន ២៥០០ម៉ាស់ អាកុល ៩០លីត្រ រួមជាមួយផលិតផលបំប៉នសុខភាពមួយចំនួនទៀត កាលពីថ្ងៃទី ១៧ ខែសីហា ឆ្នាំ២០២១ ។
ឯកឧត្តម ខៀវ កាញារីទ្ធ បានបញ្ជាក់ថា ការងាររបស់អ្នកសារព័ត៌មានសំខាន់គឺការមានទំនាក់ទំនងល្អ និងការ ងារប្រកបដោយក្រមសីលធម៌ វិជ្ជាជីវ:ត្រឹមត្រូវ មានការទទួល ខុសត្រូវចំពោះអ្វីដែលអង្គភាពរបស់ខ្លួនបានផ្សាយ ។
ទាក់ទងការលើកឡើងរបស់អ្នកសារព័ត៌មានមួយចំនួនដែលនិយាយថា ក្រសួងព័ត៌ មាន រឹតត្បិតចំពោះការស្នើបើកកាសែត និងការបន្តអាជ្ញាបណ្ណ តម្រូវឱ្យទៅចុះបញ្ជីនៅក្រសួងពាណិជ្ជកម្មមួយទៀត ដែលខុសពីលើកមុន បង្កឱ្យមានការលំបាកនោះ ឯកឧត្តម រដ្ឋមន្រ្តី ខៀវ កាញារីទ្ធ បានបញ្ជាក់ថា សម្រាប់ការចុះបញ្ជីនៅក្រសួងពាណិជ្ជកម្ម គឺជាការចុះបញ្ជីពាណិជ្ជកម្ម ទទួល ស្គាល់កម្មសិទ្ធិ ឈ្មោះអង្គភាពសារព័ត៌មាន ជាផ្លូវការ ព្រមជាមួយនឹងច្បាប់ការងារផ្សេងៗទៀត ដែលជួយដល់អ្នក សារព័ត៌មាន ។ ដូច្នេះការ ដែលធ្វើបែបនេះ គឺបានជួយច្រើនដល់អ្នកសារព័ត៌មាន ដែលខ្លួនមិនបានយល់ និងមិនបានមើលឱ្យអស់នូវខ្លឹម សារ ។ បើសិនជាអង្គភាព សារព័ត៌មាន ចុះបញ្ជីផ្លូវការស្របច្បាប់ បុគ្គលិកបំរើការ ងារ ក៏បានចុះឈ្មោះផងដែរ នៅពេលណា មានគ្រោះថ្នាក់ ក្នុងពេលបំពេញការងារ ចាង ហ្វាង ឬអ្នកគ្រប់គ្រង អង្គភាពសារព័ត៌មាន គឺបានជួយចេញ ថ្លៃព្យាបាលឱ្យ តាមរយៈការចុះឈ្មោះក្នុងបេឡាជាតិសន្តិ សុខសង្គម ប ស ស ជាការល្អ នៅពេលមានជំងឺនិងគ្រោះថ្នាក់ផ្សេងៗ ។
ឯកឧត្តម មានប្រសាសន៍បន្ដថា ចំពោះការដែលក្រសួងបង្កើតគណ:កម្មការតាមដានវាយតម្លៃ និងលើកសរសើរ ក្រមសីលធម៌វិជ្ជាជីវ:សារព័ត៌ មាន បានបង្កើតឡើងមិនមែនជ្រើសរើសមន្ត្រីក្រសួងព័ត៌ មាននោះទេ គឺមានការយកនូវ សមាជិកសមាគមសារព័ត៌ មានមួយចំនួន មករួមគ្នាធ្វើ ការវាយតម្លៃលើកិច្ចការងារនេះ ហើយក៏មិនមែនវាយតម្លៃគ្រប់អត្ថបទនោះទេ គឺពិនិត្យនៅពេលមានបញ្ហា ដោយ មានការកោះប្រជុំពិនិត្យពិភាក្សាជាមួយគ្នា ដោយមិនមានសិទ្ធិ ដាក់ទោសកំហុសដល់អ្នកសារព័ត៌មាននោះទេ មានតែជួយលើកតម្កើងវិជ្ជាជីវ:សារព័ត៌មាន ៕
វិទ្យុជាតិកម្ពុជា៖ លោកស្រី ប៉ុង សុភាវី រូប AKP
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBM1drQWc9PSIsImV4cCI6bnVsbCwicHVyIjoiYmxvYl9pZCJ9fQ==--bde148b46b9fd27d9d80973ba1ee745e9722f612/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/257D957E-B15C-45BD-8454-D2ECEBD.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBM1NrQWc9PSIsImV4cCI6bnVsbCwicHVyIjoiYmxvYl9pZCJ9fQ==--5bbb286cbff934f5081c56030255a7dbd168d9b8/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/846E7733-F5A0-413C-8B60-43D5B71.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBM0trQWc9PSIsImV4cCI6bnVsbCwicHVyIjoiYmxvYl9pZCJ9fQ==--34c97b9ecf7b41128221bad458fb6a29d6a25ed6/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/21A4BEB2-1741-450E-88F0-27F68AE.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBM09rQWc9PSIsImV4cCI6bnVsbCwicHVyIjoiYmxvYl9pZCJ9fQ==--341a56d27a2dcda1fee713d5daa48229919e8dbb/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/225D4CD0-C50B-4929-A598-5A9C719.jpeg)
0 comments:
Post a Comment