-->


Thursday, September 15, 2022

ថ្ងៃបិណ្ឌវេនទី៤! ឧត្តមសេនីយ៍ឯក រ័ត្ន ស្រ៊ាង នាំទេយ្យទានប្រគេនព្រះសង្ឃចំនួន០២វត្ត ក្នុងសង្កាត់ព្រែកកំពឹស ខណ្ឌដង្កោ!

អ្នកទស្សនា:( Views)

នាព្រឹកថ្ងៃ០៤រោច ខែភទ្របទ ត្រូវនឹងថ្ងៃទី១៤ ខែកញ្ញា ឆ្នាំ២០២២ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ និងជាប្រធានក្រុមការងាររាជរដ្ឋាភិបាលចុះជួយមូលដ្ឋានខណ្ឌដង្កោ បានដឹកនាំក្រុមការងារ និងមានការចូលរួមពីលោក អ៊ុយ សុន សមាជិកក្រុមប្រឹក្សាខណ្ឌដង្កោ លោកចៅសង្កាត់ព្រែកកំពឹស លោក លោកស្រីជាប្រធាន អនុប្រធានភូមិ យុវជន ស.ស.យ.ក នាំយកបច្ច័យ និងទេយ្យវត្ថុ ទៅប្រគេនព្រះសង្ឃ ចំនួន០២វត្ត ក្នុងសង្កាត់ព្រែកកំពឹសគឺ វត្តព្រែកថ្លឹង និងវត្តកែវមុនី ដើម្បីចូលរួមក្នុងពិធីបុណ្យកាន់បិណ្ឌ និងឧទ្ទិសកុសលជូនដល់បុព្វការីជន ជីដូនជីតា ញាតកាប្រាំពីរសន្តាន ព្រមទាំងឧទ្ទិសកុសលជូនដល់វិញ្ញាណក្ខន្ធ នាយទាហាន នាយទាហានរង និងពលទាហាន នៃកងរាជអាវុធហត្ថ រាជធានីភ្នំពេញ ដែលបាន ពលី មរណៈ ក្នុងរយៈកាលកន្លងមក។ ព្រមជាមួយគ្នានោះ លោកឧត្តមសេនីយ៍ឯក រ័ត្ន ស្រ៊ាង ក៏មានសទ្ធាបន្ថែមជូនថវិកា ដល់ លោកតា លោកយាយ ពុទ្ធបរិស័ទ និងកងកម្លាំងការពារសណ្តាប់ធ្នាប់ ព្រមទាំងយុវជន យុវនារី កុមារា កុមារី ដែលបានមកចូលរួមនៅទីនោះផងដែរ៕














Monday, September 12, 2022

ឯកឧត្តម រ័ត្ន ស្រ៊ាង អញ្ជើញ​ជា​អធិបតី​ក្នុង​កិច្ចប្រជុំ​ផ្សព្វផ្សាយ​ផែនការ​រួម ឆ្ពោះទៅ​កាន់​ការបោះឆ្នោត​ជ្រើសតាំង​តំណាងរាស្ត្រ នីតិកាល​ទី​៧ ឆ្នាំ​២០២៣ របស់​គណៈកម្មាធិការ​កណ្តាល គណបក្ស​ប្រជាជន​កម្ពុជា នៅ​សង្កាត់​ព្រែកកំពឹស​!

អ្នកទស្សនា:( Views)



ឯកឧត្តម រ័ត្ន ស្រ៊ាង អញ្ជើញ​ជា​អធិបតី​ក្នុង​កិច្ចប្រជុំ​ផ្សព្វផ្សាយ​ផែនការ​រួម ឆ្ពោះទៅ​កាន់​ការបោះឆ្នោត​ជ្រើសតាំង​តំណាងរាស្ត្រ នីតិកាល​ទី​៧ ឆ្នាំ​២០២៣ របស់​គណៈកម្មាធិការ​កណ្តាល គណបក្ស​ប្រជាជន​កម្ពុជា នៅ​សង្កាត់​ព្រែកកំពឹស​! នៅ​ព្រឹក​ថ្ងៃ​សៅរ៍ ទី​១០ ខែ​កញ្ញា ឆ្នាំ​២០២២ ឯកឧត្តម រ័ត្ន ស្រ៊ាង ប្រធាន​ក្រុមការងារ​គណបក្ស​ប្រជាជន​កម្ពុជា សង្កាត់​ព្រែក​កំពឹស បាន​អញ្ជើញ​ជា​អធិបតី​ក្នុង​កិច្ចប្រជុំ​ផ្សព្វផ្សាយ​ផែនការ​រួម ឆ្ពោះទៅ​កាន់​ការបោះឆ្នោត​ជ្រើសតាំង តំណាងរាស្ត្រ នីតិកាល​ទី​៧ ឆ្នាំ​២០២៣ របស់​

គណៈកម្មាធិការ​កណ្តាល គណបក្ស​ប្រជាជន​កម្ពុជា នៅ​សង្កាត់​ព្រែកកំពឹស ខណ្ឌដង្កោ ដោយ​មាន​ការចូលរួម​ពី​លោក អ៊ុយ សុន សមាជិក​ក្រុមប្រឹក្សា​ខណ្ឌដង្កោ ជា​អនុប្រធាន​ក្រុមការងារ ឯកឧត្តម លោក លោកស្រី​ក្នុង​ក្រុម​ការងារ​ជា​ប្រតិភូ​អមដំណើរ លោក លោកស្រី​ក្នុង​ជួរ​គណៈកម្មាធិការ​គណ​បក្ស​សង្កាត់ គណៈ​

សាខា​បណ្តា​អង្គភាព និង​សាខា​ភូមិ ប្រធាន​អនុសាខា​ភូមិ ព្រមទាំង​យុវជន​ជា​សកម្មជន ដែល​មាន​វត្តមាន​សរុប​ចំនួន ១៧៨​នាក់​។​​ថ្លែង​ក្នុង​ឱកាស​នាពេលនោះ ឯកឧត្តម រ័ត្ន ស្រ៊ាង បាន​ពាំនាំ​នូវ​ការ​ផ្តាំផ្ញើ​សាកសួរ​សុខទុក្ខ​ដោយ​ក្តី​នឹករលឹក​ពី​សំណាក់ សម្តេច​អគ្គមហាសេនាបតី​តេជោ ហ៊ុន សែន ប្រធាន​គណបក្ស​ប្រជាជន​កម្ពុជា ជូន​ដល់​ថ្នាក់ដឹកនាំ សមាជិក សមាជិកា គណបក្ស​ប្រជាជន​កម្ពុជា ដែល​មាន​វត្តមាន​នៅ​ទីនេះ​ទាំងអស់ និង​បាន​កោតសរសើរ និង​ថ្លែងអំណរគុណ​ចំពោះ​ក្រុម​ការងារ ទាំងអស់ ដែល​បាន​ខិតខំ​ប្រឹងប្រែង​អស់ពី​កម្លាំងកាយ​ចិត្ត ដណ្តើម​បាន​ជោគជ័យ​ដ៏​ត្រចះត្រចង់​ក្នុង​ការបោះឆ្នោត​ជ្រើសរើស ក្រុមប្រឹក្សាឃុំ​-​សង្កាត់ អាណត្តិ​ទី​៥ នា​ពេលកន្លងមក​។​​ឯកឧត្តម រ័ត្ន ស្រ៊ាង បាន​ជំរុញ​ដល់​ក្រុម​

ការងារ​សង្កាត់ ត្រូវ​យកចិត្តទុកដាក់​បម្រើសេវា​សាធារណៈ​ជូន​ប្រជាពលរដ្ឋ​ក្នុង​មូលដ្ឋាន របស់​ខ្លួន​ឱ្យមាន​ប្រសិទ្ធិភាព ដើម្បី​បន្ត​ផ្តល់​ទំនុកចិត្ត​ជូន​ប្រជាពលរដ្ឋ ពិសេស​ដើម្បី​ឱ្យ​ប្រជា​ពលរដ្ឋ​កាន់តែ​មាន​ភាពជឿជាក់ លើ​គណបក្ស​ប្រជាជន​កម្ពុជា លើ​សម្តេច​តេជោ ហ៊ុន សែន ជា​ប្រធាន​គណបក្ស​។​​ទន្ទឹម​នោះ ឯកឧត្តម បាន​ធ្វើ​ការគូសបញ្ជាក់​ពី​ការប្តេជ្ញា​ចិត្ត​ជា​យុទ្ធសាស្ត្រ​របស់​គណបក្ស​ប្រជាជន​កម្ពុជា​គឺ​ពុះពារ

 សម្រេច ឱ្យបាន ជោគជ័យ​ទាំងស្រុង​សម្រាប់​ការបោះឆ្នោត​ជាតិ​ឆ្នាំ​២០២៣​ខាងមុខ ដើម្បី​បន្ត​បេសកកម្ម​ជា​ប្រវត្តិសាស្ត្រ​របស់​ខ្លួន ក្នុង​បុព្វហេតុ​សុខសន្តិភាព វឌ្ឍនភាព និង​វិបុលភាព របស់​មាតុភូមិ និង​ប្រជាជន​កម្ពុជា ជា​ដរាប​ត​រៀង​ទៅ​៕

Friday, September 9, 2022

ឧត្តមសេនីយ៍ឯក រ័ត្ន ស្រ៊ាង អញ្ជើញ​បំពាក់​ឋានន្តរសក្តិ និង ប្រគល់​ប័ណ្ណសរសើរ​-​លិខិត​សរសើរ ជូន​ដល់ នាយទាហាន នាយទាហានរង នៃ កងរាជអាវុធហត្ថ​រាជធានី​ភ្នំពេញ

អ្នកទស្សនា:( Views)

   


ដោយ​មាន​ការយកចិត្ត​ទុកដាក់​ពី​សំណាក់​នាយ​ឧត្តមសេនីយ៍ សៅ សុខា អគ្គមេបញ្ជាការ​រង នៃ​កងយោធពល​ខេរ​ភូមិន្ទ ជា​មេបញ្ជាការ កងរាជអាវុធហត្ថ​លើ​ផ្ទៃ​ប្រទេស ចំពោះ​នាយទាហាន នាយទាហានរង និង​ពលទាហាន​នៃ​កងរាជអាវុធហត្ថ នៅ​រសៀល​ថ្ងៃ​ទី​០៧ ខែ​កញ្ញា ឆ្នាំ​២០២២ នៅ​បញ្ជាការដ្ឋាន កងរាជអាវុធហត្ថ​រាជធានី​ភ្នំពេញ លោក​ឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថ​លើ​ផ្ទៃ​ប្រទេស ជា​មេបញ្ជាការ​កងរាជអាវុធហត្ថ​រាជធានី​ភ្នំពេញ តំណាង​ដ៏​ខ្ពង់ខ្ពស់ នាយ​ឧត្តមសេនីយ៍ សៅ សុខា បាន​អញ្ជើញ​ជា​អធិបតី ក្នុង​ពិធី​បំពាក់​ឋានន្តរសក្តិ ជូន​ដល់ នាយទាហាន នាយទាហានរង ពលទាហាន នៃ​កងរាជអាវុធហត្ថ​រាជធានី​ភ្នំពេញ ចំនួន​២៨០​នាក់ និង ប្រគល់​ប័ណ្ណសរសើរ​-​លិខិត​សរសើរ ចំនួន​១០៦​នាក់ ដោយ​មាន​ការចូលរួម​ពី មេបញ្ជាការរង នាយសេនាធិការ នាយសេនាធិការ​រង ប្រធាន​-​អនុប្រធាន​មន្ទីរ នាយការិយាល័យ លោក​មេបញ្ជាការ មូលដ្ឋាន​អាវុធហត្ថ​ខណ្ឌ​ទាំង​១៤ និង​សមាជិក​អាវុធហត្ថ ជាច្រើនរូប​ទៀត​។




​លោក​ឧត្ដមសេនីយ៍ឯក រ័ត្ន ស្រ៊ាង បាន​ពាំនាំ​នូវ​ប្រសាសន៍​សួរ​សុខទុក្ខ​របស់​នាយ​ឧត្តមសេនីយ៍ សៅ សុខា ជូន​ចំពោះ នាយទាហាន នាយទាហានរង និង​ពលទាហាន នៃ​កងរាជអាវុធហត្ថ​រាជធានី​ភ្នំពេញ​ទាំងអស់ ព្រមទាំង​ក្រុមគ្រួសារ​សាច់ញាតិ​ផងដែរ និង​បាន​ផ្តាំផ្ញើ ដល់​នាយទាហាន នាយទាហានរង និង​ពលទាហាន នៃ​កងរាជអាវុធហត្ថ​រាជធានី​ភ្នំពេញ​ទាំងអស់ ឲ្យ​បន្ត​យកចិត្តទុកដាក់​ពង្រឹង​ការងារ ការអនុវត្ត​តួនាទី ភារកិច្ច​របស់​ខ្លួន ឱ្យ​កាន់តែ​មាន​ប្រសិទ្ធិភាព​បន្ថែមទៀត ជាពិសេស រួម​គ្នា​ពង្រឹង​ការងារ​សន្តិសុខ​សង្គម ទប់ស្កាត់​បង្កា​បង្ក្រាប​បទល្មើស គ្រប់​ប្រភេទ ជូន​ប្រជាពលរដ្ឋ​ឱ្យបាន​ទាន់​ពេលវេលា ស្រប​តាម​ទិស​ស្លោក​របស់ លោកនាយ​ឧត្តមសេនីយ៍ សៅ សុខា នោះ​គឺ ចំពោះ​ប្រទេសជាតិ​ត្រូវតែ​ការពារ ចំពោះ​ប្រជា​ត្រូវតែ​បម្រើ ច្បាប់​ត្រូវតែ​គោរព បទល្មើស​ត្រូវតែ​បង្ក្រាប និង ជួយ​គិត ជួយ​ធ្វើ រួម​គ្នា​ទទួលខុសត្រូវ​៕

 

Wednesday, September 7, 2022

ឯកឧត្តម គួច ចំរើន ចុះពិនិត្យការងារជីកសាច់ផ្លូវ ដើម្បីកែសម្រួលពង្រីកប្រអប់តំណខ្សែ (Turn Manhole)

អ្នកទស្សនា:( Views)



ព្រះសីហនុ: ថ្ងៃទី០៧ ខែកញ្ញា ឆ្នាំ២០២២
រសៀលថ្ងៃ១១កើត ខែភទ្របទ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃអង្គារ ទី០៦ ខែកញ្ញា ឆ្នាំ២០២២ ឯកឧត្តម គួច ចំរើន អភិបាល នៃគណ:អភិបាលខេត្តព្រះសីហនុ និងលោក ប្រាង ជលសា អគ្គនាយករងអគ្គិសនីកម្ពុជា និងមន្រ្តីមន្ទីរ អង្គភាពជំនាញក្នុងខេត្តព្រះសីហនុ បានអញ្ជើញចុះពិនិត្យការងារជីកសាច់ផ្លូវ ដើម្បីកែសម្រួលពង្រីកប្រអប់តំណខ្សែ (Turn Manhole) នៅតាមបណ្តោយផ្លូវ ២៨មិថុនា ស្ថិតក្នុងសង្កាត់លេខ៣ ក្រុងព្រះសីហនុ។

ក្នុងឱកាសចុះពិនិត្យការងារជីកសាច់ផ្លូវ ដើម្បីកែសម្រួលពង្រីកប្រអប់តំណខ្សែTurn Manhole ឯកឧត្តម គួច ចំរើន អភិបាលខេត្តព្រះសីហនុ បានគាំទ្រដំណើរការពង្រីកប្រអប់តំណខ្សែ Turn Manhole នៅក្នុងក្រុងព្រះសីហនុ ព្រមទាំងបានធ្វើការណែនាំដល់អគ្គិសនីកម្ពុជា និងក្រុមការងារបច្ចេកទេស ក្នុងការជីកកាយសាច់ផ្លូវ ត្រូវធ្វើយ៉ាងណាឱ្យបានលឿនហើយមុនថ្ងៃទី១៥ ខែវិច្ឆិកា ឆ្នាំ២០២២ខាងមុខ ដើម្បីបញ្ចៀសការកកស្ទះចរាចរណ៍។ ម្យ៉ាងទៀតនៅពេលបញ្ចប់កាយសាច់ផ្លូវ ត្រូវធ្វើការជួសជុលឱ្យបានល្អស្អាតដូចដើម ដូចជាការចាក់បេតុង ចាក់អ៊ុតកៅស៊ូ ការគូសគំនូសចរាចរណ៍ផ្លូវជាដើម។

លោក ប្រាង ជលសា អគ្គនាយករងអគ្គិសនីកម្ពុជា បានឱ្យដឹងថា ខេត្តព្រះសីហនុជាប៉ូលសេដ្ឋកិច្ចទី២ បន្ទាប់ពីរាជធានីភ្នំពេញ ជាតំបន់ឧស្សាហកម្ម ទេសចរណ៍ និងតំបន់ប្រើប្រាស់ច្រើនយ៉ាង កាលពីមុនយើងមានអនុស្ថានីយនៅឃ្លាំងលើ សម្រាប់ផ្គត់ផ្គង់ក្នុងក្រុងព្រះ សីហនុ ។ ដោយសារតែតម្រូវអភិវឌ្ឍន៍រីកចម្រើន រាជរដ្ឋាភិបាលបានធ្វើការវិនិយោគអូសខ្សែចូលមកតំបន់អូត្រេះ បន្តមកអាងប្រព្រឹត្តិកម្មទឹកកខ្វក់ អនុស្ថានីយនៅសុខា បានដាក់ឱ្យដំណើរការមានកម្លំាង ១១៥គីឡូវ៉ុល ។ ឥឡូវយើងកំពុងតែពង្រីកខ្សែបណ្តាញមកតំបន់នេះដោយមានគម្រោងសាងសង់អនុស្ថានីយបន្ថែមទៀត ដែលកំពុងធ្វើការជជែកគ្នារវាងអគ្គិសនីកម្ពុជា និងក្រសួងរ៉ែ និងថាមពល ដើម្បីចរចាជាមួយរដ្ឋាភិបាលកូរ៉េខាងត្បូង ដើម្បីខ្ចីឥណទានសាងសង់អនុស្ថានីយ តភ្ជាប់ទៅស្ថានីយឃ្លាំងលើ ដើម្បីឱ្យមានខ្សែបណ្តាញព័ទ្ធជុំវិញក្រុង នៅពេលមានដាច់ខ្សែណាមួយ យើងមានភ្លើងប្រើប្រាស់សម្រាប់ក្រុងព្រះសីហនុ។ យើងមានខ្សែកប់ក្រោមដី ហើយការជីកសាច់ផ្លូវ ដើម្បីកែសម្រួលពង្រីកប្រអប់តំណខ្សែ Turn Manhole តាមបណ្តោយផ្លូវ ២៨មិថុនា ក្នុងសង្កាត់លេខ៣ ក្រុងព្រះសីហនុ។

លោក អគ្គនាយករងអគ្គិសនីកម្ពុជា បានបន្តថា ការពង្រីកប្រអប់ខ្សែតំណ Turn Manhole ប្រើរយៈពេលពីរសប្តាហ៍ ដើម្បីកាត់បន្ថយការកកស្ទុះចរាចរណ៍ នៅតាមបណ្តោយផ្លូវ ២៨មិថុនា។ អគ្គិសនីកម្ពុជា មានគម្រោងសាងសង់អនុស្ថានីយចំនួន ៥បន្ថែមទៀត ដែលមានអនុស្ថានីយផ្លូវ ២៨មិថុនា, អនុស្ថានីយអូរត្រេះ, អនុស្ថានីយជិតកំពង់ផែស្វយ័តក្រុងព្រះសីហនុ, អនុស្ថានីយនៅអូរត្រជាក់ចិត្ត, និងអនុស្ថានីយវាលរេញ ។ បច្ចុប្បន្ននៅក្រុងព្រះសីហនុ មានអនុស្ថានីយអគ្គិសនីចំនួន៤ ក្នុងនោះ អនុស្ថានីយឃ្លាំងលើ, អនុស្ថានីយនៅតំបន់សេដ្ឋកិច្ចពិសេសបិតត្រាំង, អនុស្ថានីយនៅជិតអាងប្រព្រឹត្តិកម្មទឹកកខ្វក់, អនុស្ថានីយឆ្នេរសុខា, និងកំពុងបន្តសាងសង់អនុស្ថានីយនៅឆ្នេរមាស ឆ្នេរប្រាក់ ស្ថិតនៅឃុំរាម ស្រុកព្រៃនប់ខេត្តព្រះសីហនុ ៕ ដោយ ងូ សុមុនី សម្រួលផ្សាយដោយ៖dara

Tuesday, September 6, 2022

រដ្ឋមន្ត្រី ថោង ខុន៖ ចុងសប្ដាហ៍ទី១ខែកញ្ញា ទទួលបានភ្ញៀវទេសចរជាង២០ម៉ឺននាក់

អ្នកទស្សនា:( Views)

      


 (ភ្នំពេញ)៖ លោក ថោង ខុន រដ្ឋមន្ត្រីក្រសួងទេសចរណ៍ នាថ្ងៃទី៦ ខែកញ្ញា ឆ្នាំ២០២២នេះ បានបង្ហាញពីស្ថានភាពភ្ញៀវទេសចរផ្ទៃក្នុងប្រចាំសប្តាហ៍ថ្ងៃទី៣-៤ ខែកញ្ញា ឆ្នាំ២០២២ ភ្ញៀវសរុបមានចំនួន២០២,៦៣៦នាក់ ក្នុងនោះភ្ញៀវជាតិ១៨៣,២៧៦នាក់ និងភ្ញៀវបរទេសផ្ទៃក្នុង១៩,៣៦០នាក់។

គោលដៅទេសចរណ៍សំខាន់ៗ រួមមាន៖

* ខេត្តព្រះសីហនុ ២៩,១៦១នាក់

* ខេត្តកំពត ២៨,០២២នាក់

* ខេត្តសៀមរាប ២៤,៨៤៩នាក់

* ខេត្តបាត់ដំបង ១៧,២៩០នាក់

* រាជធានីភ្នំពេញ ១៦,៧៧៩នាក់

* ខេត្តកណ្តាល ១៤,៥៨៤នាក់

* ខេត្តកំពង់ស្ពឺ ១១,៧៦០នាក់

* ខេត្តកែប ១០,៩១៩នាក់។

លោកបានបន្តថា តួលេខខាងលើ មានការថមថយប្រមាណ៩.៨៥% ធៀបនឹងសប្តាហ៍កន្លងមក ដោយសារកត្តាអាកាសធាតុនារដូវវស្សា ដែលមានភ្លៀងធ្លាក់ដោយកន្លែង និងដោយអន្លើៗ។លោករដ្ឋមន្ត្រីបានបន្តទៀតថា ក្នុងការខិតខំប្រឹងប្រែងជំរុញចលនាបរទេសផ្ទៃក្នុង ដោយទទួលបានការអនុញ្ញាតពីរាជរដ្ឋាភិបាល គ្រឹះស្ថានអង្គរសហការជាមួយក្រសួងទេសចរណ៍ និងអាជ្ញាធរជាតិអប្សរាកំពុងអនុវត្តគោលការណ៍ថ្មីរបស់រាជរដ្ឋាភិបាល ដែលបានអនុញ្ញាតផ្តល់ជូនដល់ជនបរទេសទាំងអស់

ដែលបាននិងកំពុងស្នាក់នៅកម្ពុជាចាប់ពី២ឆ្នាំទ្បើងទៅ រួមមាន មន្រ្តីការទូត វិនិយោគិន មន្រ្តីធ្វើការនៅអង្គការអន្តរជាតិ ជនបរទេសធ្វើការនៅក្រុមហ៊ុននិងសហគ្រាសឯកជនគ្រប់ប្រភេទ អ្នកជំនាញការធ្វើការនៅក្រសួងស្ថាប័នរដ្ឋនិងឯកជន រួមទាំងក្រុមគ្រួសារដែលបានស្នាក់នៅជាមួយ អាចស្នើសុំបណ្ណចូលទស្សនារមណីយដ្ឋានអង្គរ និងប្រាសាទកោះកែររយៈពេលមួយឆ្នាំម្តងដោយមិនបង់ថ្លៃ ដោយអនុវត្តចាប់ពីថ្ងៃទី១ ខែកញ្ញា ឆ្នាំ២០២២ តទៅ៕