Friday, September 24, 2021

សម្ដេចតេជោ ហ៊ុន សែន អបអរសាទរខួប២៨ឆ្នាំនៃទិវាប្រកាសឱ្យប្រើ ប្រាស់រដ្ឋធម្មនុញ្ញជាតិ

អ្នកទស្សនា:( Views)
                                
ភ្នំពេញ: ថ្ងៃទី២៤ ខែកញ្ញា ឆ្នាំ២០២ ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន បានសម្ដែងនូវការអបអរសាទរ ខួបលើកទី២៨ ទិវាប្រកាសឱ្យប្រើប្រាស់រដ្ឋធម្មនុញ្ញ នៃព្រះរាជាណាចក្រកម្ពុជា(២៤ កញ្ញា ឆ្នាំ១៩៩៣-២៤ កញ្ញា ឆ្នាំ ២០២១)។


នៅលើផេកផ្លូវការនាព្រឹកថ្ងៃទី២៤ ខែកញ្ញា ឆ្នាំ២០២១ សម្ដេចតេជោបានសរសេរថា អបអរសាទរខួប២៨ឆ្នាំនៃទិវាប្រកាសឲ្យប្រើប្រាស់រដ្ឋធម្មនុញ្ញជាតិ។ នៅថ្ងៃទី២៤ ខែកញ្ញានេះ គឺជាខួបទី ២៨ឆ្នាំ ដែលកម្ពុជាបានប្រកាសឱ្យប្រើប្រាស់ជាផ្លូវការនូវរដ្ឋធម្មនុញ្ញនៃព្រះរាជាណាចក្រកម្ពុជា។ សម្ដេចតេជោ បានរម្លឹកថា ផ្តើមចេញពីកិច្ចព្រមព្រៀងសន្តិភាពទីក្រុងប៉ារីស នៅថ្ងៃទី២៣ ខែតុលា ឆ្នាំ១៩៩១ ស្តីពីដំណោះស្រាយរួមបញ្ចប់នូវវិបត្តិកម្ពុជាជាប្រវត្តិសាស្ត្រ ដែលបន្ទាប់មកនៅថ្ងៃទី ២៣-២៨ ខែឧសភា ប្រទេសយើងបានរៀបចំការបោះឆ្នោតជាលើកដំបូងក្រោមការឧបត្ថម្ភគាំពារពីអង្គការសហប្រជាជាតិ អ៊ុនតាក់ (UNTAC)។ ក្រោយពីការបោះឆ្នោតរួចមក រដ្ឋធម្មនុញ្ញជាតិ ក៏ត្រូវបានបង្កើតឡើងជាប្រវត្តិសាស្ត្រនៅក្នុងឆ្នាំ១៩៩៣ ផងដែរ។ សម្ដេចតេជោនាយករដ្ឋមន្ត្រីគូសបញ្ជាក់ថា នៅថ្ងៃទី២៤ ខែកញ្ញា ឆ្នាំ១៩៩៣ នៅក្នុងមហាប្រាសាទទេវាវិនិច្ឆ័យ នៅក្នុងព្រះបរមរាជវាំង ព្រះករុណា ព្រះបាទ សម្តេចព្រះនរោត្តម សីហនុ អតីតមហាវីរក្សត្រ ព្រះបរមរតនកោដ្ឋ ព្រះអង្គបានឡាយព្រះហត្ថលេខាលើព្រះរាជក្រមប្រកាសឱ្យប្រើរដ្ឋធម្មនុញ្ញនៃព្រះរាជាណាចក្រកម្ពុជាជាផ្លូវការ។ នៅថ្ងៃទី២៤ ខែកញ្ញា គឺជាថ្ងៃកំណើតរដ្ឋធម្មនុញ្ញ ឆ្នាំ១៩៩៣ ដែលមកដល់ឆ្នាំ២០២១ គឺរដ្ឋធម្មនុញ្ញកម្ពុជា មានអាយុកាល២៨ឆ្នាំហើយ។ រដ្ឋធម្មនុញ្ញ គឺជាច្បាប់កំពូលនៃព្រះរាជាណាចក្រកម្ពុជា។ ច្បាប់ និងសេចក្តីសម្រេចទាំងឡាយនៃស្ថាប័ននានារបស់រដ្ឋ ត្រូវស្របទៅនឹងរដ្ឋធម្មនុញ្ញជាដាច់ខាត។សម្ដេចតេជោគូសបញ្ជាក់បន្ថែមថា ចំណុចសំខាន់ៗបំផុតមួយចំនួនដែលបានចែងច្បាស់នៅក្នុងរដ្ឋធម្មនុញ្ញ មានដូចជា « កម្ពុជាត្រូវគោរពដាច់ខាតនូវរបបរាជានិយមអាស្រ័យរដ្ឋធម្មនុញ្ញ របបប្រជាធិបតេយ្យសេរីពហុបក្ស។ រដ្ឋធម្មនុញ្ញកម្ពុជាបានចែងអំពីគោលការណ៍ នៃការបែងចែកអំណាចដាច់ដោយឡែកពីគ្នាគឺ ១)អំណាចនីតិបញ្ញត្តិ ២)នីតិប្រតិបត្តិ និង៣)តុលាការ ហើយក៏បានអនុម័តនូវសិទ្ធិជាមូលដ្ឋានរបស់ប្រជាពលរដ្ឋនិងគោលការណ៍នីតិរដ្ឋជាដើម»។
សម្ដេចតេជោប្រមុខរាជរដ្ឋាភិបាល ក៏បាន អរគុណបងប្អូនជនរួមជាតិ ដែលបានចូលរួមថែរក្សាការពារសន្កិភាពដើម្បីប្រទេសជាតិកាន់តែរីកចម្រើនរុងរឿងឆ្ពោះទៅមុខ។ អរគុណសន្តិភាព៕ ដោយ ជឹម ណារី សម្រួលផ្សាយដោយ៖ dara


Tuesday, September 14, 2021

រដ្ឋបាលខេត្តកណ្តាល បើកកិច្ចប្រជុំពិភាក្សាកំណត់និយមន័យ នៃនិមិត្តសញ្ញាឃុំ-សង្កាត់ ស្រុក ក្រុង ក្នុងខេត្តកណ្តាល

អ្នកទស្សនា:( Views)

 កណ្តាល: ថ្ងៃទី១៤ ខែកញ្ញា ឆ្នាំ២០២១

លោក គីម រិទ្ធី អភិបាលរងខេត្តកណ្តាល បាន ដឹកនាំកិច្ចប្រជុំ កែសម្រួលនិយមន័យនៃនិមិត្តសញ្ញារបស់រដ្ឋបាលឃុំ សង្កាត់ ស្រុក ក្រុង ក្នុង ខេត្តកណ្តាល ដោយមានការចូលរួមពីលោក លោកស្រី អភិបាលរងស្រុក នាយករដ្ឋបាលស្រុកនិង មន្ទីរជំនាញពាក់ព័ន្ធ នៅសាលាខេត្តកណ្តាល នៅថ្ងៃ៧កើត ខែភទ្របទ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃចន្ទ ទី១៣ ខែកញ្ញា ឆ្នាំ២០២១។

លោក គីម រិទ្ធី អភិបាលរងខេត្ត បានមានប្រសាសន៍ថា នេះជាការប្រជុំពិភាក្សា លើការកែសម្រួលនិយមន័យនៃនិមិត្តសញ្ញាសម្រាប់ឃុំ សង្កាត់ ក្រុង ស្រុកនីមួយៗ ដើម្បីកំណត់ និយមន័យនៃនិមិត្តសញ្ញាសម្រាប់រដ្ឋបាលក្រុង ស្រុក ឃុំ សង្កាត់ ក្នុងខេត្តកណ្តាល ដើម្បីដាក់ជូនឯកឧត្តមអភិបាលខេត្ត សម្រេចមុននឹងផ្ញើទៅក្រសួងមហាផ្ទៃ ។

លោកអភិបាលរងខេត្ត បានណែនាំដល់ក្រុង ស្រុក ត្រូវផ្តោតសំខាន់លើនិយមន័យនៃនិមិត្តសញ្ញាតំណាងឱ្យរដ្ឋបាល ក្រុង ស្រុក ឃុំ សង្កាត់របស់ខ្លួន ដោយជ្រើសរើសយកសក្តានុពល ឬ ប្រវត្តិទាក់ទងទៅនឹងឃុំ សង្កាត់ ស្រុក ក្រុងរបស់ខ្លួន ។

លោកអភិបាលរងខេត្ត បានបន្តថា ការបង្ហាញពីនិយមន័យនៃនិមិត្តសញ្ញានាពេលនេះ នូវមានចំណុចខ្វះខាតមួយចំនួនត្រូវចូលរួមធ្វើការកែលម្អ ។ ដូច្នេះក្រុង ស្រុក នីមួយៗត្រូវ ឈ្វេងយល់អំពីសក្តានុពល សមិទ្ធផលដែលកំពុងកើតមានឡើងនៅក្នុងមូលដ្ឋាន ឬ ប្រវត្តិ ទាក់ទងក្នុងមូលដ្ឋានរបស់ខ្លួន ទើបយើងកំណត់យកនិមិត្តសញ្ញាសម្រាប់សម្គាល់ឃុំ សង្កាត់ ក្រុង ស្រុករបស់ខ្លួន ឱ្យសមស្រប និងឈានយកនិយមន័យនៃនិមិត្តសញ្ញារបស់ឃុំ សង្កាត់ ស្រុក ក្រុង ដើម្បីប្រើប្រាស់ជាផ្លូវការនៅពេល ខាងមុខ ៕

 (ប្រភពៈ រដ្ឋបាលខេត្តកណ្ដាល )

Saturday, August 28, 2021

ឯកឧត្តម ខៀវ កាញារីទ្ធ លើកឡើងថា វត្តមានកាសែតចិនរួមចំណែកធ្វើឱ្យអ្នកវិយោគទុនចិន យល់ច្បាស់ពីកម្ពុជា

អ្នកទស្សនា:( Views)
 
ភ្នំពេញ៖ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន បានថ្លែងថា វត្តមានកាសែតចិននៅកម្ពុជា បានរួម ចំណែកធ្វើឱ្យអ្នកវិយោគទុនចិន បានយល់ច្បាស់ពីទស្សនវិស័យកម្ពុជា ដោយសារថា កន្លងមកនេះមានមួយ ចំនួនធំ បានទទួលដំណឹងទាក់ទងប្រទេសកម្ពុជា តែពីសារព័ត៌មានរបស់លោកខាងលិច ដែលនិយាយផ្អៀងទៅផលប្រយោជន៍របស់ពួកគេ ។ 

 ឯកឧត្តម ខៀវ កាញារីទ្ធ ថ្លែងបែបនេះនៅក្នុងឱកាសទទួលជួបថ្នាក់ដឹកនាំនិងសហការី សារព័ត៌មាន អាស៊ី-ប៉ាស៊ីហ្វិក ថែមស៍ (Asia Pacific Times) ដែលដឹកនាំដោយ លោក LI TAO អគ្គនាយកក្រុមហ៊ុន East Alliance International Culture Media ប្រទេសចិន កាលពីថ្ងៃទី២៧ ខែសីហា ឆ្នាំ២០២១។ ឯកឧត្តម ខៀវ កាញារីទ្ធ បានមាន ប្រសាសន៍ថា នៅកម្ពុជាមានសារព័ត៌មានចិនចំនួន៦ កំពុងដំណើរការផ្សាយ ហើយក្រសួងព័ត៌មានចង់ឱ្យមានសារព័ត៌មានចិនច្រើនអង្គភាពទៀត មកបើកបន្ថែម ព្រោះថានៅពេលខាងមុខនេះ នៅពេលតំបន់សេដ្ឋកិច្ចថ្មីៗ បើកដំណើរការ នឹងមានអ្នកវិនិយោគទុនចិនមកកម្ពុជាកាន់ តែច្រើន។ ដូច្នេះនៅពេលមានសារព័ត៌ មានចិនច្រើន នឹងជួយផ្សព្វផ្សាយបានកាន់តែទូលំទូលាយ ពីច្បាប់គោលនយោ បាយ ផែនការនានាទាក់ទងដំណើរការវិនិយោគ រកស៊ី នៅក្នុងប្រទេសកម្ពុជា ។ 

 ឯកឧត្តម រដ្ឋមន្រ្តី បានរំលឹកឡើងវិញថា រយៈពេលជិត២០ឆ្នាំមកនេះ គឺមានវត្តមានកាសែតចិននៅកម្ពុជា ដែលបានរួមចំណែកធ្វើឱ្យអ្នកវិយោគទុនចិន បានយល់ច្បាស់ពីទស្សនវិស័យកម្ពុជា ដោយ សារថាកន្លងមកនេះ មានមួយចំនួនធំ បានទទួលដំណឹងទាក់ទងប្រទេសកម្ពុជា តែពីសារព័ត៌មានលោកខាងលិច ដែលនិយាយផ្អៀងទៅផលប្រយោជន៍លោក ខាងលិចច្រើនជាង ផលប្រយោជន៍អាស៊ី ។ ឯកឧត្តម បានបញ្ជាក់ពីចំនុចខ្លាំងរបស់សារព័ត៌មានភាសាចិននៅកម្ពុជា គឺបានគោរពវិជ្ជាជីវ:សារព័ត៌មាន ល្អប្រសើរ ហើយការផ្សាយព័ត៌មាន គ្មានការបំភ្លៃនោះទេ និយាយជារួម គឺបានផ្សាយពីការពិតនៅកម្ពុជា ។

 តាមរយៈនេះ ក្រសួង ព័ត៌មានកម្ពុជាចង់បានអត្ថបទ ដែលមានភាពស៊ីជម្រៅបន្ថែមទៀត ទាក់ទងពីប្រពៃណី ជំនឿជនជាតិចិន និងការវិវឌ្ឍថ្មីផ្នែកនយោបាយ សេដ្ឋកិច្ច ច្បាប់ នៅក្នុងប្រទេសចិន ដើម្បីបានដឹងឱ្យមានការយល់គ្នាច្បាស់ទៅវិញទៅមក។ ឆ្លៀតក្នុងឱកាសនោះ លោក LI TAO បានសម្តែងនូវការអរគុណចំពោះក្រសួង ព័ត៌មានកម្ពុជា ដែលបានអនុញ្ញាតឱ្យគេហទំព័រព័ត៌មានភាសាចិន អាស៊ី-ប៉ាស៊ី ហ្វិក ថែមស៍ AP Time បានដំណើរការផ្សាយនៅកម្ពុជា ដែលផ្តោតសំខាន់លើដំណឹង ស្តីពី គោលនយោបាយ សេដ្ឋកិច្ច ពាណិជ្ជកម្ម ការវិនិយោគនានារបស់ប្រទេសចិននៅកម្ពុជា ។ ជាមួយនេះ សារព័ត៌មាន AP Time នឹងជួយផ្សព្វ ផ្សាយពីភាពរីកចម្រើនរបស់ប្រទេសកម្ពុជា ទៅកាន់ពិភពលោកបានដឹងច្បាស់បន្ថែមទៀត និងជួយទាក់ទាញភ្ញៀវទេសចរ និងវិនិយោគិនចិន មកកម្ពុជាឱ្យបានច្រើនបន្ថែមទៀត៕


  វិទ្យុជាតិកម្ពុជា៖ លោកស្រី ប៉ុង សុភាវី

Wednesday, August 18, 2021

សម្តេចតេជោ ហ៊ុន សែន សម្រេចទិញផ្លែមៀន នៅតាមខេត្តជាប់ព្រំដែនកម្ពុជា-ថៃ ដែលកំពុងខ្វះទីផ្សារ

អ្នកទស្សនា:( Views)

 


ភ្នំពេញ៖ យោងតាមអនុសាសន៍ដឹកនាំដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអនុញ្ញាតឱ្យឯកឧត្តមនាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង នាយករង ខុទ្ទកាល័យសម្តេចតេជោ ហ៊ុន សែន ដើម្បីប្រមូលទិញនូវកសិផលរបស់ប្រជាកសិករ គឺផ្លែមៀន នៅតាមបណ្តាខេត្តជាប់ព្រំដែនកម្ពុជា-ថៃ ដែលកំពុងជួបបញ្ហាប្រឈមក្នុងការនាំចេញទៅលក់នៅក្រៅប្រទេស ដែលបណ្តាលមកពីការឆ្លងរីករាលដាលនៃជំងឺកូវីដ-១៩នៅតាម ព្រំដែនប្រទេសជិតខាង។

ដូច្នេះសូមប្រជាកសិករដែលមានផល្លានុផលផ្លែមៀន សូមទំនាក់ទំនងមកក្រុមការងាររបស់ឯកឧត្តម នាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង ហើយក្រុមការងារនឹងចាប់ផ្តើមទទួលទិញពីថ្ងៃទី១៨ ខែសីហា ឆ្នាំ២០២១នេះតទៅ ។

ទីកន្លែងទទួលទិញ ៖ ក្នុងសាលាខេត្តបាត់ដំបង

ទំនាក់ទំនង ទូរសព្ទ លេខ៖

1-097 777 37 37 លោក សេង ឌីលីន

2-088 903 77 77 លោក ស៊ុន ម៉េងហៃ៕

វិទ្យុជាតិកម្ពុជា៖


ឯកឧត្តមបណ្ឌិតសភាចារ្យ អ៊ុក រ៉ាប៊ុន ឧបត្ថម្ភអង្ករចំនួន ១៨តោន ដល់រដ្ឋបាលស្រុកសាមគ្គីមានជ័យ សម្រាប់ផ្តល់ដល់ឃុំទាំង០៩ សម្រាប់ចែកជូនប្រជាពលរដ្ឋ ជួបការលំបាកដែលរងផល​ប៉ះពាល់ដោយជំងឺកូវីដ-១៩

អ្នកទស្សនា:( Views)


កំពង់ឆ្នាំង៖ អង្ករ១៨តោន របស់ឯកឧត្តមបណ្ឌិតសភាចារ្យ អ៊ុក រ៉ាប៊ុន រដ្ឋមន្រ្តីក្រសួងអភិវឌ្ឍន៍ជនបទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ឆ្នាំង ត្រូវបាន ឯកឧត្តម ប៉ា សុខុម អនុរដ្ឋលេខាធិការក្រសួងអភិវឌ្ឍន៍ជនបទ នាំយកទៅប្រគល់ជូនដល់រដ្ឋបាលស្រុកសាមគ្គីមានជ័យ សម្រាប់ចែកដល់ឃុំទាំង០៩ក្នុងស្រុក សម្រាប់ចែកជូនប្រជាពលរដ្ឋជួបការលំបាកដែលរងផលប៉ះពាល់ដោយជំងឺកូវីដ-១៩ នាព្រឹកថ្ងៃទី១៧ ខែសីហា ឆ្នាំ២០២១ ក្រោមអធិបតីភាព ឯកឧត្តម ស៊ុន សុវណ្ណារិទ្ធិ អភិបាល នៃគណៈអភិបាលខេត្តកំពង់ឆ្នាំង និងឯកឧត្ដម អម សុភា អភិបាលរងខេត្ត។

ឯកឧត្តម ប៉ា សុខុម អនុរដ្ឋលេខាធិការក្រសួងអភិវឌ្ឍន៍ជនបទ តំណាងឯកឧត្តមបណ្ឌិតសភាចារ្យ អ៊ុក រ៉ាប៊ុន បានមានប្រសាសន៍ថា ដោយមើលឃើញប្រជាពលរដ្ឋ រងផលប៉ះពាល់ដោយជំងឺកូវីដ១៩ ឯកឧត្តមរដ្ឋមន្រ្តី បានឧបត្ថម្ភនូវអង្ករដល់ឃុំទាំង០៩ ក្នុងស្រុកសាមគ្គីមានជ័យ សម្រាប់យកទៅចែកជូនប្រជាពលរដ្ឋដែលជួបការលំបាកបំផុតនៅតាមមូលដ្ឋានទទួលខុសត្រូវរបស់ខ្លួន។

មានប្រសាសន៍ក្នុងឱកាសនោះឯកឧត្តម ស៊ុន សុវណ្ណារិទ្ធិ បានផ្តាំផ្ញើដល់អាជ្ញាធរស្រុក និងឃុំទាំង០៩ សូមយកអំណោយដ៏ថ្លៃថ្លារបស់ឯកឧត្តមបណ្ឌិតសភាចារ្យ អ៊ុក រ៉ាប៊ុន យកទៅចែកដល់គ្រួសារប្រជាពលរដ្ឋជួបការលំបាកដែលរងផលប៉ះពាល់ដោយជំងឺកូវីដ-១៩ ឱ្យចំគោលដៅនៅតាមមូលដ្ឋានទទួលខុសត្រូវរបស់ខ្លួនប្រកបដោយតម្លាភាព។

ឯកឧត្តម ក៏បានជម្រុញដល់អាជ្ញាធរឃុំទូទាំងស្រុកត្រូវក្តាប់ឱ្យបាននូវចំនួនប្រជាពលរដ្ធដែលចំណូលថ្មី ដើម្បីគ្រប់គ្រងឱ្យបានច្បាស់លាស់ និងម៉ត់ចត់បំផុតជៀសវាងបង្កហានីភ័យនៃការចម្លងជំងឺកូវីដ-១៩។ អាជ្ញាធរត្រូវបន្តណែនាំដល់បងប្អូនប្រជាពលរដ្ធ បង្កើនការងារបង្កបង្កើនផល និងចិញ្ចឹមសត្វដើម្បីទ្រទ្រង់ជីវភាពរស់នៅឲ្យកាន់តែប្រសើរឡើងថែមទៀត ៕ ដោយ៖ មន្ទីរព័ត៌មានខេត្តកំពង់ឆ្នាំង សម្រួលផ្សាយដោយ៖​ធូ​ កុសល


ឯកឧត្តម ខៀវ កាញារីទ្ធ៖ ការងាររបស់អ្នកសារព័ត៌មានសំខាន់គឺក្រមសីលធម៌ និងមានវិជ្ជាជីវ:ត្រឹមត្រូវ

អ្នកទស្សនា:( Views)


ភ្នំពេញ៖ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន បានបញ្ជាក់ថា ការងាររបស់អ្នកសារព័ត៌មានសំខាន់ គឺមានក្រមសីលធម៌ និងមានវិជ្ជាជីវ:ត្រឹមត្រូវ ដោយមានការទទួលខុសត្រូវចំពោះអ្វីដែលបានផ្សាយ ។ ឯកឧត្តមរដ្ឋមន្រ្តី បានលើកឡើងបែប នេះ ក្នុងឱកាសអនុញ្ញាតឱ្យ លោក វណ្ណ សុភានោ ចាង ហ្វាងអង្គភាពសារព័ត៌មានកម្ពុជា ប្រគល់អំណោយជាម៉ាស់ចំនួន ២៥០០ម៉ាស់  អាកុល ៩០លីត្រ រួមជាមួយផលិតផលបំប៉នសុខភាពមួយចំនួនទៀត កាលពីថ្ងៃទី ១៧ ខែសីហា ឆ្នាំ២០២១ ។

ឯកឧត្តម ខៀវ កាញារីទ្ធ បានបញ្ជាក់ថា ការងាររបស់អ្នកសារព័ត៌មានសំខាន់គឺការមានទំនាក់ទំនងល្អ និងការ ងារប្រកបដោយក្រមសីលធម៌ វិជ្ជាជីវ:ត្រឹមត្រូវ មានការទទួល ខុសត្រូវចំពោះអ្វីដែលអង្គភាពរបស់ខ្លួនបានផ្សាយ ។

ទាក់ទងការលើកឡើងរបស់អ្នកសារព័ត៌មានមួយចំនួនដែលនិយាយថា ក្រសួងព័ត៌ មាន រឹតត្បិតចំពោះការស្នើបើកកាសែត និងការបន្តអាជ្ញាបណ្ណ តម្រូវឱ្យទៅចុះបញ្ជីនៅក្រសួងពាណិជ្ជកម្មមួយទៀត ដែលខុសពីលើកមុន បង្កឱ្យមានការលំបាកនោះ ឯកឧត្តម រដ្ឋមន្រ្តី ខៀវ កាញារីទ្ធ   បានបញ្ជាក់ថា សម្រាប់ការចុះបញ្ជីនៅក្រសួងពាណិជ្ជកម្ម គឺជាការចុះបញ្ជីពាណិជ្ជកម្ម ទទួល ស្គាល់កម្មសិទ្ធិ ឈ្មោះអង្គភាពសារព័ត៌មាន ជាផ្លូវការ ព្រមជាមួយនឹងច្បាប់ការងារផ្សេងៗទៀត ដែលជួយដល់អ្នក សារព័ត៌មាន ។ ដូច្នេះការ ដែលធ្វើបែបនេះ គឺបានជួយច្រើនដល់អ្នកសារព័ត៌មាន ដែលខ្លួនមិនបានយល់ និងមិនបានមើលឱ្យអស់នូវខ្លឹម សារ ។ បើសិនជាអង្គភាព សារព័ត៌មាន ចុះបញ្ជីផ្លូវការស្របច្បាប់ បុគ្គលិកបំរើការ ងារ ក៏បានចុះឈ្មោះផងដែរ នៅពេលណា មានគ្រោះថ្នាក់ ក្នុងពេលបំពេញការងារ  ចាង ហ្វាង ឬអ្នកគ្រប់គ្រង អង្គភាពសារព័ត៌មាន គឺបានជួយចេញ ថ្លៃព្យាបាលឱ្យ តាមរយៈការចុះឈ្មោះក្នុងបេឡាជាតិសន្តិ សុខសង្គម ប ស ស ជាការល្អ នៅពេលមានជំងឺនិងគ្រោះថ្នាក់ផ្សេងៗ ។

ឯកឧត្តម មានប្រសាសន៍បន្ដថា ចំពោះការដែលក្រសួងបង្កើតគណ:កម្មការតាមដានវាយតម្លៃ និងលើកសរសើរ ក្រមសីលធម៌វិជ្ជាជីវ:សារព័ត៌ មាន បានបង្កើតឡើងមិនមែនជ្រើសរើសមន្ត្រីក្រសួងព័ត៌ មាននោះទេ គឺមានការយកនូវ សមាជិកសមាគមសារព័ត៌ មានមួយចំនួន មករួមគ្នាធ្វើ ការវាយតម្លៃលើកិច្ចការងារនេះ ហើយក៏មិនមែនវាយតម្លៃគ្រប់អត្ថបទនោះទេ គឺពិនិត្យនៅពេលមានបញ្ហា ដោយ មានការកោះប្រជុំពិនិត្យពិភាក្សាជាមួយគ្នា ដោយមិនមានសិទ្ធិ ដាក់ទោសកំហុសដល់អ្នកសារព័ត៌មាននោះទេ  មានតែជួយលើកតម្កើងវិជ្ជាជីវ:សារព័ត៌មាន ៕

វិទ្យុជាតិកម្ពុជា៖ លោកស្រី ប៉ុង សុភាវី រូប AKP